Sverrir Þór Gunn­ars­son eða Sveddi tönn var hand­tek­inn í gær í Brasilíu. Greint var frá umfangs­miklum aðgerðum lög­reglu í Brasil­ískum fjöl­miðlum.  Sverrir á að baki langan saka­feril, allt frá árinu 1988 en þá var hann aðeins sextán ára gam­all.

Stóra fíkniefnamálið

Brot Sverris voru fyrst um sinn minni­háttar fíkni­efna- og umferða­laga­brot. Árið 2000 var hann dæmdur í sjö og hálfs árs fang­elsi fyrir aðild sína í Stóra fíkni­efna­mál­inu en það er eitt þekktasta glæpa­mál Íslands. 19 manns voru ákærðir og 13 sak­felldir, Sverrir fékk næst­þyngsta dóm­inn.

„Nítján manns hafa verið ákærðir í þessum hluta málsins og hafa níu þeirra setið í gæslu­varð­haldi á Litla-Hrauni síðan í sept­em­ber. Þrettán aðrir verða ákærðir á næstu dögum í sam­bandi við þetta mál. Flestir hinna 19 hafa við­ur­kennt aðild að málinu, en hafa í dómsal borið vitni um mun minna magn inn­fluttra eit­ur­lyfja og færri ferðir en áður kom fram við lögreglu­yf­ir­heyrslur. Hinir ákærðu eru sak­aðir um að hafa nýtt sé aðstöðu Samskipa og flutt inn mikið magn eit­ur­lyfja frá Hollandi, Danmörku og Bandaríkjunum á árunum 1997 til 1999.“(DV, 8.júní, 2000)

Árið 2001 var tann­læknir dæmdur í tutt­ugu mán­aða fang­elsi fyrir pen­inga­þvott sem sagðir voru tengj­ast Sverri. Var þetta í fyrsta skiptið sem dómur féll í tengslum við pen­inga­þvott hér á landi.

Vændishús í Ármúla

Árið 2006 gerði lög­regla hús­leit í Ármúla en þar fannst mikið magn fíkni­efna, víagra töflur og létt­klæddar brasil­ískar konur. Húsnæðið var í eigu Sverris en aldrei var ákært í mál­inu.

„Starfs­menn fíkni­efna­deildar Lögregl­unnar í Reykjavík, með aðstoð víkinga­sveit­ar­innar, gerðu á dögunum húsleit á efri hæð húss í Ármúla. Þar er til húsa félagið Neðrihlíð en stjórnandi þess er Sverrir Þór Gunn­ars­son, betur þekktur sem Sveddi tönn. Við húsleit­ina fund­ust fíkni­efni og brasilískar stúlkur sem virt­ust hafa þann eina til­gang að selja karlmönnum líkama sinn. Enginn var settur í gæslu­varð­hald en DV hefur heim­ildir fyrir því að fíkni­efna­deildin hafi vaktað húsið um all­langt skeið. “ (DV, 7.apríl, 2006)

22 ár í fangelsi í Brasilíu

Ástandið á Sverri var ekki skárra árið 2012 þegar hann fékk 22 ára dóm í Brasilíu fyrir inn­flutn­ing á rúm­lega 50 þús­und e-töflum. Þangað hafði hann flúið frá Spáni en þar var hann dæmdur til 9 ára fang­els­is­vistar fyrir svipað brot. Viktoría Her­manns­dóttir tók við Sverri langt við­tal úr fang­els­inu sem birt var í DV þann 26.nóv­em­ber árið 2012. „Hann furðar sig á dómnum sem hann segir vera hneyksli. „Ég skal lofa ykkur því að ég verð kom­inn út innan árs, sýk aður. Ég fæ þessa með­ferð því ég hef jú gert ýmis­legt af mér. En ég neyði engan í eitt né neitt. Ég er dópisti, fíkni­efna­neyt­andi. Ég neyti fíkni­efna á hverjum ein­asta degi. Ég er nefni­lega miklu meiri dópisti en dópsali. Mér finnst voða gott að fá mér kók í nefið, ég er alveg sjúkur í þetta. En ég er ekki að hagn­ast á eit­ur­lyfjum.“

Sagan heldur áfram

Sverrir er nú orð­inn fimm­tugur og eftir 34 ára saka­feril seigl­ast hann áfram. Þann 12 apríl síð­ast­lið­inn var hann hand­tek­inn á ný í til­raunum brasil­ísku lög­regl­unnar til þess að upp­ræta glæpa­sam­tök sem sér­hæfa sig í pen­inga­þvætti og fíkni­efna­sölu. Um 250 lög­reglu­menn komu að aðgerð­unum, gerðar voru 49 hús­leitir og verð­mæti þeirra eigna sem lög­regla lagði hald á er metið á um fjóra millj­arða króna.