1) „Ég er með stórt ör á tungunni. Það er til komið vegna slyss sem ég varð fyrir kornungur, svo ungur að ég man ekki eftir því, en ég mun hafa fallið á stéttina fyrir utan húsið heima. Eðlilega leiði ég nánast aldrei hugann að þessu en örið kemur upp í hugann þegar ég er beðinn um að segja frá fimm staðreyndum um sjálfan mig.“
2) „Ég keyri ekki bíl. Bróðir minn skikkaði mig í ökunám þegar ég var 18 ára. Eftir marga tíma féll ég á fyrsta verklega prófinu vegna þess að ég fór yfir á rauðu beygjuljósi. Í annað sinn féll ég af því ég gerði allt vitlaust. Í þriðja sinn náði ég prófinu. Hins vegar endurnýjaði ég aldrei skírteinið vegna slóðaskapar og áhugaleysis.“
3) „Á afmæli sama dag og Geirfinnur hvarf, 19. nóvember. Skuggalegur dagur. Kvöldið sem hann hvarf var afmælisveisla heima.“
4) „Í æsku bjó ég í húsi sem heitir Eiði og var staðsett þar sem Eiðistorg er núna. Tæplega 18 ára flutti ég upp á Skólavörðustíg. En ég gerði mér ferð vestur eftir og horfði á húsið okkar brennt til grunna, til að rýma fyrir nýbyggingum.“
5) „Er nokkuð sleipur í þýsku þar sem ég bjó í Þýskalandi tvo vetur eftir stúdentspróf og tók síðan að rifja upp kunnáttuna og halda henni við á seinni árum. Get hins vegar ekki bjargað mér á dönsku. Ef ég reyni kemur bara þýska út úr mér.“
fimm staðreyndir
Oft skömmuð fyrir að taka viðtal við fólk
Byrjaði að hlusta á jólalög í september
Mætti viku of snemma í brúðkaup
„Hendur mínar eru minni en hendurnar á Trump“
„Ég hlýt að fara á góða staðinn þegar ég dey“
Athugasemdir