- „Ég notaði snuð til sex ára aldurs og hef verið frá þeim aldri með rammskakkt bit af þeim sökum, eða sentímeters djúpt lóðrétt yfirbit. Ég hef alla tíð forðast tannréttingar en næsta vor mun ég fara í kjálkaskurðaðgerð til þess að fá loksins rétt bit.“
- „Það er eiginlega lygilegt hversu margir hlutir eða margar manneskjur hafa verið í uppáhaldi hjá mér í gegnum tíðina sem koma frá Þýskalandi. Ber þar helst að nefna Dirk Nowitzki, Michael Schumacher, Rammstein, BMW og síðast en ekki síst hin raunverulegu þýsku stál, Wehmeier-feðgana og stórvini mína, Arne, Arne Karl og Tómas Helga.“
- „Ég prófaði að reykja í fyrsta sinn þegar ég var átta ára gamall. Það voru til vindlar og sígarettur heima hjá mér inni í skáp, ætlað besta vini pabba og ömmu minni heitinni, þegar þau kæmu í heimsókn. Ég varð bara að prófa þetta, kíkti út á svalir þegar ég var einn heima og naut reykinganna bara ágætlega!“
- „Ég er gríðarlega mikill treyju- og glasasafnari. Helst hef ég eytt peningum í gamlar fótboltatreyjur og telja þær í kringum 200 stykki. Glösin sem ég á eru einnig fjölmörg, til dæmis margs konar bjórglös og Mjólkurbikarglös. Ef ég verð einhvern tíma gjaldþrota þá verður það líklega vegna þess að ég gleymdi mér aðeins í kaupum á þessu tvennu.“
- „Þegar ég var barn þá voru skóstærðir fólks það fyrsta sem greip áhuga minn við það. Ég skoðaði vel stærðina á skónum og eftir smáumhugsun skaut ég á númerið og iðulega var það rétt, fólki til töluverðrar undrunar. Kristinn Rúnar Jónsson, nafni minn og frændi, var alveg viss á þeim tíma að ég yrði skósmiður þegar ég yrði eldri. Það er aldrei að vita nema að það detti inn í náinni framtíð.“
Kristinn Rúnar hitti átrúnaðargoðið sitt í vor, Dirk Nowitzki í Dallas
Kristinn Rúnar gaf út bókina Maníuraunir í fyrra.
Kristinn Rúnar tekur þátt í Klikkaðri menningu sem verður haldin alla helgina, í tilefni 40 ára afmælis Geðhjálpar. Öll dagskráin er á www.klikkud.is eða Klikkuð menning á Facebook. Kristinn verður þremur öðrum Í Borgarbókasafninu Grófinn á laugardag kl. 14-17.
Kjósa
Hvernig finnst þér þessi grein? Skráðu þig inn til að kjósa.
Tengdar greinar
fimm staðreyndir
Oft skömmuð fyrir að taka viðtal við fólk
Indíana Hreinsdóttir, kynningar- og markaðsstjóri Menningarfélags Akureyrar, kynnir blómlegt menningarlíf í höfuðstað Norðurlands fyrir landsmönnum. Indiana starfaði áður sem blaðamaður til fjölda ára. Hér ljóstrar hún upp fimm staðreyndum um sjálfa sig.
Byrjaði að hlusta á jólalög í september
Eiríkur Hafdal starfar sem sjálfstætt starfandi framleiðandi og tónlistarmaður. Hann hefur meðal annars tekið þátt Söngkeppni Sjónvarpsins. Hér ljóstrar hann upp fimm staðreyndum um sjálfan sig.
Mætti viku of snemma í brúðkaup
Júlíus Sigurjónsson, sem jafnan er kenndur við Júlladiskó, skellir í Hrekkjavöku Júlladiskó um helgina á Ölhúsi Hafnarfjarðar. Hér ljóstrar hann upp fimm staðreyndum um sjálfan sig.
„Hendur mínar eru minni en hendurnar á Trump“
Sigríður Eyrún Friðriksdóttir, söng- og leikkona, er að slá í gegn í dragsýningunni Endurminningar Valkyrju sem sýnd er í Tjarnarbíói. Hér ljóstrar hún upp fimm staðreyndum um sjálfa sig.
„Ég hlýt að fara á góða staðinn þegar ég dey“
Olga Björt Þórðardóttir, útgefandi og ritstjóri bæjarmiðilsins Hafnfirðings, ljóstrar hér upp fimm staðreyndum um sjálfa sig.
„Mætti í heiminn með látum og hef látið fara fyrir mér síðan“
Eva Ruza Miljevic gleðigjafi hefur starfað við skemmtibransann sem veislustjóri, kynnir og fleira í nokkur ár, auk þess að starfa í blómabúð fjölskyldunnar.
Athugasemdir