Haraldur er á for­síðu Mannlífs. Í við­tal­inu ræðir hann meðal ann­ars æsk­una, starfs­fer­il­inn og drykkj­una.

Haraldur var að eigin sögn meira og minna fullur frá 2004 til 2011 en þá hafi honum orðið ljóst að ef hann ætti að eiga mögu­leika á því að funkera innan sam­bands­ins sem hann var í við kon­una sem er eig­in­kona hans í dag, Margréti Rut Eddu­dóttur, yrði hann að hætta að drekka.

„Ég hafði hugsað um að hætta mjög lengi,“ segir hann. „En það sem gerði úts­lagið var að ég lenti í rifr­ildi við kon­una mína, sem var kærastan mín þá, og ég sá fram á það að ef ég hætti ekki að drekka myndum við ekki ná að vera saman. Ég ætl­aði að fara í með­ferð en konan mín þurfti að fara í vinnu­ferð og ég ákvað að drekka í eina viku á meðan hún væri í burtu og fara svo í með­ferð. Meðan ég var á þeim túr hitti ég vin minn og sagði honum frá þess­ari ákvörðun og hann spurði hvers vegna ég hætti ekki bara að drekka án þess að fara í með­ferð. Ég hugs­aði, já, hvers vegna ekki? Og hætti síðan bara að drekka. Ég fór á tvo AA-fundi en þeir voru ekki fyrir mig. Ég er ekki trú­aður og þessir fundir sem ég fór á voru mjög trú­ar­legir.“

Eitthvað hlýt­urðu samt að hafa þurft að gera, eða hvað? Breytt­irðu um lífs­stíl og fórst að stunda hug­leiðslu eða hvað gerð­irðu?

„Nei, veistu þetta var ekk­ert mál,“ segir Haraldur og hlær. „Ég hefði sjálf­sagt þurft að vinna eitt­hvað í sjálfum mér en ég held ég hafi bara lokað á það eins og annað. Ég er mjög gall­aður. Ég hef alveg hug­leitt, tek spretti þar sem ég er að hug­leiða og gera ýmis­legt. Ég hef farið til sál­fræð­inga, er á þung­lynd­is­lyfjum og alls konar, en það er ekk­ert systemat­ískt.“

Hefur þung­lyndi háð þér í gegnum tíð­ina?

„Já, ég get ekki neitað því,“ segir Haraldur eftir dálitla umhugsun. „Ég get ekki alveg áttað mig á því hvenær það byrj­aði en ætli það hafi ekki verið þegar mamma dó. Ef ég man rétt þá var ég frekar ham­ingju­samur krakki en svo byrj­aði lík­am­legi sjúk­dóm­ur­inn sem ég er með líka að þró­ast á ung­lings­ár­unum,“ segir Haraldur meðal ann­ars.

Lestu við­talið í heild sinni í nýjasta Mannlífi.

Myndir / Ueno