Síðan má gjarnan baka í þeim eins og gert er hér. Auðvitað má nota venju­leg köku­form en gætið bara að bök­un­ar­tím­anum, hann getur verið afar mis­mun­andi eftir stærð og gerð for­manna.

Jarð­ar­berja­kaka
fyrir 4

Þetta er lítil upp­skrift sem passar í litla pönnu eða form, en hana má auð­veld­lega tvö­falda.

1 ½ dl hveiti
½ dl maizena-mjöl
1 tsk. lyfti­duft
½ tsk. salt
¼ tsk. mat­ar­sódi
50 g smjör, brætt
½ dl hun­ang
2 egg
1 ½ dl grísk jógúrt
1 vanillu­stöng
1 msk. sykur
u.þ.b. 200 g fersk jarð­ar­ber
2-3 msk. púð­ur­sykur

Hitið ofn í 180°C. Blandið saman þurr­efnum í skál. Bræðið smjör á pönn­unni sem á að baka kök­una í (hér voru not­aðar tvær pönnur u.þ.b. 15 cm í þver­mál, eins má nota eina sem er u.þ.b. 22 cm í þver­mál) og veltið henni til þannig að smjörið fari vel upp á hlið­arnar. Hrærið saman hun­ang, egg, jógúrt og brædda smjörið.

Kljúfið vanillu­stöng­ina og skafið fræin úr með odd­hvössum hníf, blandið fræj­unum saman við 1 msk. af sykri og látið út í. Hrærið blönd­una létt saman við þurr­efnin með sleikju eða sleif, ekki hræra of mikið.

Setjið u.þ.b. helm­ing­inn af jarð­ar­berj­unum út í og hrærið var­lega. Hellið deig­inu í pönn­una og dreifið rest­inni af jarð­ar­berj­unum yfir. Stráið púð­ur­sykri yfir og bakið í 25-30 mín. Athugið að bök­un­ar­tím­inn fer eftir stærð pönn­unnar/forms­ins sem bakað er í.

Gott er að stinga prjóni/hníf í miðj­una, ef hann kemur hreinn út er kakan til­búin. Berið kök­una fram volga, gjarnan með rjóma eða ís.

Umsjón / Kristín Dröfn Ein­ars­dóttir
Mynd / Óli Magg
Stílisti / ÓlöfJak­obína