Hjördís Dögg Grímars­dóttir heitir konan á bak við hina vin­sælu heima­síðu mömmur.is þar sem hægt er að fá skemmti­legar hug­myndir fyrir veisl­una. Mömmur.is má einnig finna á Instagram og Facebook undir sama nafni. Hjördís er mik­ill sæl­keri og ætlar hún að deila með okkur sínum upp­hálds­mat.

Alltaf jafn bragðgóður

Upp­á­halds­réttur Hjör­dísar er barbeque kjúklinga­réttur sem er oft á boðstólum á heim­ili hennar. ,,Það má segja að hann slái alltaf í gegn og er alltaf jafn bragð­góður.  Oftar en ekki ber ég hann fram með hrís­grjónum og heima­bök­uðu hvít­lauks­brauði“ segir Hjördís.

Gaman að halda matarboð

Hjördís er kokk­ur­inn sem eldar af ástríðu, ein­faldan en bragð­góðan mat. Hún segir okkur að ,,henni finnst mjög gaman að halda mat­ar­boð og leggi upp úr því að allt líti vel út á veislu­borð­inu. Ég hef gaman að því að nostra við kjötið eða það sem ég er að elda með hinum ýmsu krydd­jurtum og olíu. Hvít­laukur kemur oft við sögu í elda­mennsk­unni ásamt smjöri. Meðlætið skiptir líka miklu máli og finnst mér skemmti­legt að baka brauð og bera fram með matnum. Eft­ir­rétt­ur­inn toppar síðan allt en frönsku súkkulaði­kaka setur punkt­inn yfir i-ið „.

Sjávarréttir ekki í uppáhaldi

Pinna­matur hittir líka oftar en ekki í mark.  Kjúklinga­spjót með hvít­lauks­sósu koma alltaf vel út, það er alltaf gaman að bjóða fólki upp á brauð­ten­inga eða tortill­arúllur.  Ég borða yfir­leitt ekki morg­un­mat. Fæ mér léttan hádeg­is­mat eins og skyr, jógúrt eða súpu. Í kaffi­tím­anum fæ ég mér  brauð­sneið eða eitt­hvað góm­sætt sæta­brauð.  Kvöld­mat­ur­inn getur verið alla­vega en vin­sælt hjá okkur fjöl­skyld­unni er að borða kjúkling, en sjáv­ar­réttir eru því miður ekki mitt upp­á­hald.

Eldamennskan þótti heldur of metnaðarfull

,,Ég byrj­aði ung að elda og leika mér í eld­hús­inu. Var kannski heldur of metn­að­ar­full í byrjun og lagði mig fram við að vera með þriggja rétta mál­tíð fyrir okkur tvö sem vorum á heim­il­inu. Þar sem við vorum bara tvo á heim­ili þá var oft afgangur sem ég tók með mér í vinn­una.  Sam­starfs­menn mínir köll­uðu mig oft hús­móður dauð­ans, þar sem elda­mennskan þótti heldur of metn­að­ar­full.

Kjúklingaspjót með sinnepsmarineringu

UPPSKRIFT:

• 800 g kjúklinga­kjöt
• 2 dl bla­sa­mikedik
• 1/2 dl olía
• 50 ml app­el­sínu­safi
• 4- 5 msk dijon hun­angs­sinnep frá Maille
• 4 stk hvít­lauks­rif
• 2-3 msk hvít­laukskrydd frá potta­göldrum
• 2 tsk pipar
• 2 msk papriku­krydd

AÐFERÐ:

• Helltu bla­sa­mikediki í skál ásamt olíu, app­el­sínusafa, hvít­lauk og sinn­epi.
• Hrærðu öllu vel saman.
• Kryddaðu kjúkling­inn með hvít­laukskryddi, pipar og papriku­kryddi.
• Helltu mar­ener­ing­unni yfir kjúkling­inn, veltu honum vel upp úr henni.
• Settu lok yfir ílátið eða annað sem hentar og leyfðu kjúkling­unum að mar­ener­ast í nokkrar klukku­stundir.
• Eldaðu kjúkling­inn við 180°C gráða hita í um 25-3o mínutur eða þar til hann er til­bú­inn.
• Þegar kjúkling­ur­inn er til­bú­inn er grillpinnum stungið í hann.
• Borið fram með hvít­lauks­sósu.

Lestu allt um málið og meira til í brak­andi fersku helg­ar­blaði Mannlífs hér eða flettu blað­inu hér fyrir neðan: