Góð vika

Notendur Rík­is­út­varps­ins áttu góða viku en ekki aðeins birt­ist enn einn snilld­ar­þátt­ur­inn af Ver­búð­inni á sunnu­dags­kvöld heldur sneri ein skærasta stjarna Rásar 2 aftur í útvarpið. Þar er auð­vitað um að ræða Guðrúnu Dís Emils­dóttur eða Gunnu Dís eins og hún er kölluð.

Gunna Dís gekk til liðs við Síð­deg­is­út­varpið á Rás 2. Hulda Geirs­dóttir, útvarps­kona á Rás 2, kom öllum á óvart með þess­ari til­kynn­ingu á Facebook.

Gunna Dís hefur um ára­bil verið ein vin­sælasta fjöl­miðla­kona lands­ins en hún sá meðal ann­ars um spurn­inga­þætt­ina Útsvar og var partur af stór­góðu tvíeyki í Virkum morgnum ásamt Andra Frey Við­ars­syni.

Gunna Dís hefur búið á Húsavík síð­ustu ár ásamt eig­in­manni sínum og börnum en ákvað í haust að flytja aftur til borg­ar­innar, en mikið hefur gengið á í sveit­ar­stjórn­ar­málum fyrir norðan og eig­in­maður hennar, Kristján Þór Magn­ús­son, er sveita­stjóri Norð­ur­þings.

Slæm vika

Hrottar hafa átt frekar slæma viku. Texas­hrott­inn var hand­tek­inn á dög­unum vegna heim­il­is­of­beldis en hann réðst á fjöl­skyldu­með­limi þegar þeir mættu heim til hans í afmæl­is­mat­ar­boð.

Hópur af lög­reglu­mönnum mætti á heim­ili Magnúsar til að hand­taka hann. Vitni sögðu atgang­inn hafa verið mik­inn.
„Málið er bara í rann­sókn, það er bara stutt komið. Það er búið að ræða við máls­að­ila og við gefum ekk­ert frekar upp um fram­vindu rann­sókn­ar­innar,“ sagði Guð­mundur Ásgeirs­son lög­reglu­full­trúi í við­tali við Mannlíf.

Þá steig Hödd Vil­hjálms­dóttir fram og lýsti ofbeldi sem hún segir fyrr­ver­andi eig­in­mann hennar, Ragnar Gunn­ars­son, hafa beitt hana. Ein af fyrr­ver­andi kærustum Ragnars þakk­aði henni fyrir að stíga fram, á Facebook-vegg Haddar.

„Hugrakka hug­rakka kona
Takk elsku Hödd fyrir að stíga fram, fyrir mig, fyrir þig og allar hinar. Megi hug­rekki þitt veita öðrum í sömu sporum kjark til að gera slíkt hið sama.
Ég stend með þér og stað­festi jafn­framt frá­sögn þína.“

Í yfir­lýs­ing­unni sem Ragnar skrif­aði á Facebook-síðu sína segir hann: „Deilur okkar, sem varða for­ræði, eru í sínu rétta ferli.“

Í við­tal­inu við Hödd er hvergi talað um for­ræð­is­deilu milli hennar og fyrr­ver­andi eig­in­manns hennar.