Í góðum málum

Vítalía á fullri ferð áfram.

Mynd: Instagram-skjá­skot

Vítalía Lazareva virð­ist í mjög góðum málum þessa dag­ana, ef marka má Instagram-reikn­ing hennar. Eins og alþjóð veit hefur hún ekki átt sjö dag­ana sæla frá því að hún upp­lýsti þjóð­ina um meint kyn­ferð­is­brot þriggja eldri manna í heitum potti í byrjun árs­ins. Hún hefur nú kært menn­ina, sem svo kærðu hana til baka fyrir upp­lognar sakir. En í stað þess að hír­ast á ísköldu land­inu sem japl­aði á máli hennar líkt og það væri harð­fiskur með smjöri, ákvað hin unga Vítalía að söðla um og dvelja á Ítalíu í sumar. Og þar hefur hún blómstrað eins og sjá má á Instagram-ljós­myndum hennar. Þar sést hún alsæl á svip um borð í hrað­bát og nýtur bæði hrað­ans og góða veð­urs­ins. Þá hefur hún einnig ferð­ast til Berlínar í sumar og notið góðs matar og lífs­ins. Hún virð­ist líka enn meira fitt en venju­lega og yfir­höfuð má segja að hún glói. Það má því búast við að hún komi end­ur­nærð frá sumr­inu og til­búin í slag­inn sem fram undan er.

Í slæmum málum

Lög­reglan að störfum Mynd/LG

Mynd: Lára Garð­ars­dóttir

Íslenska sam­fé­lagið er í slæmum málum um þessar mundir. Ég gæti nefnt vaxta­hækk­anir hús­næð­is­lána eða heil­brigð­is­kerfið. Ég gæti líka nefnt sum­arið eða mis­skipt­ingu auðs í land­inu, en nei, ég vil tala um að því er virð­ist tíð­ari ofbeld­is­verk í sam­fé­lag­inu, oft­ast, eðli máls­ins sam­kvæmt, á djamm­inu. Ef dag­bækur lög­reglu eru skoð­aðar má sjá að und­an­farið hafa borist fréttir af ofbeldi og brjál­æði og á lög­reglan hrós skilið fyrir að standa í að koma böndum á hina seku. Ef við skimum yfir fyr­ir­sagnir und­an­far­inna vikna má sjá setn­ingar eins og: Hrotta­leg hópárás í Breið­holti, Hlaut stungu­sár í vopn­uðu ráni, Hópur manna réðst á einn og lét höggin dynja, Hnífa­maður stakk mann í bakið og Illa leik­inn í and­liti eftir þrjá árás­ar­að­ila, og er þetta aðeins brota­brot. Þá virð­ast sífellt fleiri ganga ber­serks­gang, und­an­farið hefur það gerst í miðbæ Reykja­víkur, í Kópavogi og á bráða­mót­tök­unni svo eitt­hvað sé nefnt. Svo sá íslenskt sam­fé­lag ofbeldi í sinni verstu mynd á Blöndu­ósi á dög­unum þar sem tvær mann­eskjur létu lífið. Hvort um sé að kenna geð­heil­brigð­is­kerfi sem er í molum eða ein­hverju öðru skal ósagt látið, en eitt­hvað virð­ist það vera.

Nýjasta Mannlífs blaðið má lesa í heild sinni hér.