Í góðum málum

Tann­lækn­ir­inn Heimir Hall­gríms­son, sem er í guða­tölu hér á landi eftir að hafa aðstoðað Lars Lagerbäck við að koma karla­liði Íslands á Evr­ópu­mótið og síðan komið lið­inu á Heims­meist­ara­mótið fyrir nokkrum árum, er heldur betur í góðum málum. Á dög­unum var til­kynnt að Heimir hafi verið ráð­inn aðal­þjálf­ari karla­liðs Jamaíka í knatt­spyrnu en liðið er í 62 sæti á heims­list­anum, einu sæti fyrir ofan Ísland. Heimir hefur verið eft­ir­sóttur síð­ustu ár en hann þjálf­aði kat­arska félagið Al-Arabi en hann yfir­gaf liðið á síð­asta ári og hefur und­an­farið verið ráð­gjafi Hermanns Hreið­ars­sonar hjá ÍBV í Bestu deild karla. Eyja­mað­ur­inn tekur með sér þaul­vana menn en Helgi Kol­viðs­son verður aðstoð­ar­þjálf­ari og Guð­mundur Hreið­ars­son verður mark­manns­þjálf­ari liðs­ins. Þá verður Þjóð­verj­inn Sebast­ian Box­leitner styrkt­ar­þjálf­ari liðs­ins eins og þegar Heimir þjálf­aði Ísland. Spenn­andi verður að sjá hvort Heimir nái að koma Jamaíka á HM, sem þá yrði í annað skipti sem liðið kæm­ist á það mót.

Í slæmum málum

Flokkur fólks­ins er í nokkuð slæmum málum þessa stund­ina. Fyrst kom upp úr dúrnum að vara­þing­maður flokks­ins tengd­ist hinu hræði­lega hrossa­níðs­máli á Borg­ar­nesi þar sem svo virð­ist vera að illa hafi verið farið með hross af eig­endum þeirra. Sagðist Inga Sæland, for­maður flokks­ins hafa fengið algjört sjokk þegar hún frétti að vara­þing­maður flokks­ins tengd­ist mál­inu. Þá var dóttir vara­þing­manns­ins einn­nig tengd mál­inu en hún var í fram­boði fyrir Flokk fólks­ins í síð­ustu Alþing­is­kosn­ingum og hefur unnið trún­að­ar­störf fyrir flokk­inn. Voru þær báðar beðnar um að stíga til hliðar sem þær og gerðu. En þetta er ekki það eina sem skekið hefur flokk­inn und­an­farið en þrjár konur úr flokknum stigu fram á Akureyri og lýstu lít­ils­virð­andi fram­komu í sinn garð og í sumum til­fellum kyn­ferð­is­legri áreitni af hendi karl­manna í for­ystu flokks­ins fyrir norðan. Vara­for­mað­ur­inn Guð­mundur Ingi Krist­ins­son gaf út yfir­lýs­ingu þar sem hann sagð­ist vilja boða til stjórn­ar­fundar þar sem farið yrði yfir alvar­legar ásak­anir um ólíð­andi fram­komu í garð kven­leið­toga flokks­ins á Akureyri. Nú er bara spurn­ing hvað næsta skref Ingu Sæland verði en hún er þekkt fyrir að ganga hreint til verks.

Hægt er að lesa nýjasta blað Mannlífs hér.