Starfs­fólk á skrif­stofu Eflingar hefur boðað til starfs­manna­fundar í dag, en í gær var greint frá því að öllu starfs­fólki skrif­stof­unnar hafi verið sagt upp. Þetta kemur fram á RÚV.

Samkvæmt Vísi lagði Sólveig Anna Jóns­dóttir, nýkjör­inn for­maður Eflingar, til á stjórn­ar­fundi félags­ins í gær að öllu starfs­fólki Eflingar yrði sagt upp störfum. Tillagan var sam­þykkt af átta manna meiri­hluta B-lista undir for­ystu Sól­veigar Önnu.

Á vef RÚV kemur fram að starf­mönnum Eflingar hafi enn ekki borist upp­sagn­ar­bréf þegar frétta­stofan náði tali af þeim fyrir klukkan átta í morgun. Þar segir að mörg hafi verið í áfalli vegna fregna af upp­sögn­unum en önnur hafi átt von á þeim.

Mikill titr­ingur hefur verið innan Eflingar síð­ustu miss­eri. Sólveig Anna sagði starfi sínu sem for­maður lausu síð­ast­liðið haust og sagði starfs­fólk Eflingar hafa hrakið sig úr starfi. Starfs­fólk á skrif­stofu Eflingar sak­aði hana um slæma stjórn­ar­hætti og ámæl­is­verða fram­komu í garð starf­manna. Meðal ann­ars var talað um ógn­ar­stjórn.

Sólveig Anna hefur haldið því fram að hún hafi ekki fengið vinnu­frið og starfs­fólk Eflingar hafi verið í aðför gegn henni allt frá því hún tók við emb­ætti for­manns stétt­ar­fé­lags­ins.

Þegar ljóst var að Sólveig Anna hefði hlotið kjör sem for­maður á ný í febr­úar var það gefið sterk­lega í skyn að breyt­ingar yrðu gerðar á skrif­stofu félags­ins.

Sólveig Anna mætti ekki til vinnu á skrif­stofu Eflingar í gær­morgun en er þó sögð hafa mætt á stjórn­ar­fund, þar sem ákvörðun var tekin um upp­sagnir starfs­fólks­ins.