Sólveig Anna Jóns­dóttir hefur sent frá sér yfir­lýs­ingu þar sem hún mót­mælir gagn­rýni Drífu Snædal, for­seta ASÍ, á þá ákvörðun stjórnar Eflingar að segja upp öllu starfs­fólki á skrif­stofu stétt­ar­fé­lags­ins.

Sólveig Anna segir að yfir­lýs­ingar Drífu séu órök­studdar. Um sé að ræða lýð­ræð­is­legar ákvarð­anir stjórnar Eflingar „varð­andi innri skipu­lags­mál á skrif­stofum félags­ins.“

Í yfir­lýs­ingu Sól­veigar Önnu segir að sú ákvörðun stjórnar Eflingar að segja starfs­fólk­inu upp sé tekin á skýrum og mál­efna­legum grunni.

„Eru þær breyt­ingar hugs­aðar til að inn­leiða sam­ræmi, jafn­rétti og gagn­sæi í launa­kjörum starfs­fólks, inn­leiða eðli­legt bil milli hæstu og lægstu launa á skrif­stof­unum, og gera aðrar löngu tíma­bærar og nauð­syn­legar breyt­ingar á skipu­lagi.“

„Þetta er ömurlegur dagur“

Sólveig Anna vandar Drífu Snædal ekki kveðj­urnar í yfir­lýs­ingu sinni. Sú síð­ar­nefnda hefur, ásamt öðrum verka­lýðs­leið­togum, verið harð­orð um þær hóp­upp­sagnir sem boð­aðar voru á skrif­stofu Eflingar.

Í sam­tali við frétta­stofu Vísis í morgun sagði hún að ákvörðun stjórnar stétt­ar­fé­lags­ins hafi komið sér á óvart. Drífa sagði verka­lýð­is­hreyf­ing­una hafa barist fyrir því lengi að koma í veg fyrir hóp­upp­sagnir af þessu tagi.

„Þetta er ömur­legur dagur. Þarna er verið að svipta fólki afkomu­ör­yggi og atvinnu­ör­yggi. Þarna er verið að draga úr og veikja þjón­ustu stétt­ar­fé­lags­ins gagn­vart félags­mönnum og veikja verka­lýðs­bar­átt­una,“ sagði Drífa meðal ann­ars í sam­tali við Vísi.

Segir Drífu ráðast á láglaunafólk

„Forseti Alþýðu­sam­bands­ins hefur ekki haft fyrir því að leita upp­lýs­inga eða skýr­inga frá for­manni eða stjórn Eflingar, en hikar þó ekki við að for­dæma opin­ber­lega þeirra störf í þágu félags­fólks í Eflingu,“ segir Sólveig Anna í yfir­lýs­ingu sinni.

„Það eru sorg­leg nýmæli að for­seti Alþýðu­sam­band­ins ráð­ist á verka- og lág­launa­fólk í stjórn eins af aðild­ar­fé­lögum ASÍ með þessum hætti.

Bar­áttu­list­inn lýsti því yfir í kosn­inga­bar­áttu sinni að hann myndi gera nauð­syn­legar breyt­ingar á rekstri skrif­stofu Eflingar. Við það lof­orð verður staðið. Í því ferli sem nú stendur yfir er lögum og vinnu­brögðum sem við eiga fylgt í einu og öllu. Óhjá­kvæmi­legt er að segja upp öllum ráðn­ing­ar­samn­ingum, en allt starfs­fólk verður hvatt til að sækja um aug­lýst störf að nýju.“

Sólveig Anna segir að nú standi yfir „lög­bundið sam­ráð við full­trúa starfs­fólks“. Hún segir jafn­framt að lögum sam­kvæmt fari slíkt fram í trún­aði.

„Formaður Eflingar harmar að aðilar hafi rofið trúnað, lekið gögnum í fjöl­miðla og tjáð sig þar með óvar­legum hætti áður en því sam­ráðs­ferli lauk,“ segir að lokum í yfir­lýs­ing­unni.